JeI dan pawna hnawl chung-chang ngaihtuah ṭha turin phut

Sorkar laipuiin Jammu and Kashmir-a socio-religious political group Jamaat-e-Islami (JeI) dan pawna a hnawl chu ngaihtuah ṭha leh turin Jammu and Kashmir chief minister hlui pahnih, Mehmooba Mufti leh Omar Abdullah ten an phut.

Kar kalta Ningani zana Prime Minister Narendra Modi kaihhruaia high-level security meeting neih a nih hnuah, Ministry of Home Affairs (MHA) chuan JeI chu kum nga chhung atan 'unlawful association' a puan a nih thu a sawi a ni.

Dan pawna hnawl a nih avangin JeI-in a enkawl school, mosque leh fahran enkawlna hmunte pawh kharsak an ni a, hei hian mi tam tak a nghawng niin Naitoal Conference leader Omar Abdullah chuan a sawi.

Mosque-a ṭawngṭai tuma kal mi tam tak chu dan a ni a, school zirlai sang tel pawhin an zirna chhunzawm thei loin an awm bawk tih a sawi. Omar chuan moque leh shcool kharte hia security lam a tihṭhat phah dawn lo a, naupang tam tak chu khawlaia an tei rawlai phah dawn a ni, a ti. Sorkar laipiu chuan JeI dan pawna hnawl tum chungchang hun eng emaw chen a lo ngaihtuah tawh a nih chuan, schoo leh mosque kharin nghawng ṭha lo a neih dante pawh rang taka a ngaihtuah a ngai a ni, a ti.

J&K chief minister hlui leh Peoples Democratic Party hruaitu Mehbooba Mufti-i pawhin JeI dan pawna hnawl a nih chungchangah Srinagar-ah lungawi lohna a lo lantir tawh bawk. JeI hruaitu pathumte chu man ni tawhin, an pawl thil neih te pawh khawih chet theih loha hreksak an ni tawh bawk.