India-in Pulwama phuba ni 12 hnuah a la hman

US-in Osama man turin hun a hmang rei : UP Minister

Uttar Pradesh-a BJP minister Laxmi Narain Chaudhary chuan India chuan Pulwama beihna thleng vanga phuba chu ni 12 chhungin a la hman a, hetihlai hian US chuan 9/11-a firfiakte beihna an tawha mawhphurtu, al-Qaida hotu Osama bin Laden laka phuba la turin hun rei tak an hmang a ni, a ti.

Minister Chaudray chuan Thawhṭanni-a Mathura-a public meeting-a thu a sawiah, Pakistan-in Wing Commander Abhinandan Varthaman an chhuahna chhan chu Prime Minister Narendra Modi-an firfiakte nuai chimit tura beiha a vauna vang a ni, a ti bawk.

India foreign policy chu khawvelin a ngaisang a ni tiin, India ram world guru a nih hun tur chu a hla tawh lo a ni, a ti.