NDA cabinet meeting hnuhnung ber nei

Lok Sabha inthlanpui neih hmaa BJP kaihhruai NDA sorkar hnuaia cabinet meeting hnuhnung ber tur chu nimin khan Prime Minister Narendra Modi-a kaihhruaiin neih a ni.

Cabinet meeting hi Prime Minister official residence, 7, Lok Kalyan Marg-ah neih a ni a, meeting-ah hian thutlukna pawimawh tak tak siam a ni bawk.

Nimin cabinet meeting-in a pawm zinga pawimawh zualte chu -

• State sorkar hnuaia un-served and under-served airstrip, Airports Authority of Indian, civil enclaves, CPSUs, helipad leh water aerodromes tuaithar leh tihhmasawnna tur chu cabinet chuan a pawm a, he project tan hian sorkar laipui chuan cheng vaibelchhe 4,500 a ruahman a ni.

• Delhi Metro Phase - 4 project pawm a ni.

• Cabinet Committee on Economic Affairs chuan Thermal Power Projects chungchanga Group of Ministers (GoM) rawtna chu a pawm.

• Cabinet Committee on Economic Affairs chuan sugar Mills tana fund pekbelh a pawm a, fund hi Rs 2,790-ah tihpun a ni.

• Cabinet chuan Delhi-a unauthorized colony-a chengte tana ownership emaw, transfer rights pek dan tur ngaihtuahtu tur committee din rawtna a pawm bawk.

• Cabinet chuan The Central Educational Institutions (Reservation in Teachers’ Cadre) Ordinance, 2019 kalpui rawtna a pawm.

• Atal Innovation Mission (AIM) chhunzawm leh, hemi atana kum 2019-20 chunga sum hman tura ruahman Rs vaibelchhe 1000 leh, school 10,000-a Atal Tinkering Labs kalpuina tur a pawm bawk.