Inthlan neihna state/UT-ah hri kai punna sang

India ramah Covid-19 hri leng thawh hnihna a thlen mek laiin, state leh Union Territory panga-ah assembly inthlan buatsaih a ni a, heng state/UT-ah hian hri kai thar punna a sang hle.

Election campaign neihnaah hri laka invenna tura sorkarin kaihhruaina a siamten zawm an hlawh lo a, rally-ah mi tam tak pungkhawmin hmai tuamna hmang lo an tam hle bawk. Mipui chauh ni lo, political leader-te pawhin Covid-19 protocol hi an zawm ṭha lo hle a ni.

March 1 leh April 11 inkar khan inthlan neihna, Puducherry-a nitina hri kai hmuh chhuah hi 175% in a pung a, Assam-a hri kai thar punna hi 331% zet a tling bawk. West Bengal-ah a let 34 zetin an pung hman a, Assam-ah a let 10.6 in an pung bawk. West Bengal-ah chuan hi kai kai hmuh chhuah thar hi 378% in an pung a, Tamil Nadu-ah 173% leh Kerala-ah 84% in hemi chhung hian hri kai thar hi an pung bawk a ni.