PM Modi-a'n all party meet a ko

Prime minister Narendra Modi chuan Coronavirus leng mek chungchang sawiho turin April 8 hian all party meeting a ko. 

Meeting hi video conference hmanga neih a ni dawn a, he huna tel tur hian Parliament-a seat nga nei pha chin party hruaitute sawm an nih thu parliamentary affairs minister Pralhad Joshi chuan a sawi. 

Congress party chuan an tel tur thu an sawi tawh a, mahse West Bengal-a rorellai Trinamool Congress chuan an hruaitute an tel ve dawn lo tih an sawi thung. TMC chuan budget session neih lai khan hri leng chungchang hi an party chuan Parliament inkhawmah pawh a lo sawichhuak tawh a, all party meeting pawh buatsaih turin an ngen tih an sawi. Mahse sorkar chuan hetih lai hian an thu sawite a ngai pawimawh lo a, tuna sawiho leh a ṭulna an hriat loh thu an tarlang. PM hian actor leh sports star-te a hmuh hnuah, mipuite aiawhtu roreltute nena inbiak hi ṭulin a hre ve chauh a ni, an ti.

PM hian nimin khan president hlui pahnih, Pranab Mukherjee leh Pratibha Patil-te chu biain, Covid-19 chungchang a sawipui. Anni bakah hian prime minister hlui Manmohan Singh leh HD Deve Gowda te pawh biain, hri leng dona kawnga central leh state level-a hma lak dan hrang hrangte a sawipui a ni. 

Political party hruaitu hrang hrang, Sonia Gandhi, Mulayam Singh, Akhilesh Yadav, Mamata Banerjee, Naveen Patnaik, KCR, Stalin leh  Parkash Singh Badal te pawh Modi hian a be bawk.