Congress-in April 24-ah digital TV platform tlangzarh dawn

Congress party chuan digital media platform, 'INC TV' a siam chu April 24 hian a tlangzarh dawn.

BR Ambedkar pian­cham pualin Nilaini khan Congress party chuan 'INC TV' vision document hi a tichhuak a, Rajya Sabha-a leader of opposition Mallikarjun Kharge leh party chief spokeperson Randeep Surjewala-te chuan joint press conference neiin, Panchatyati Raj Day-ah official-in INC TV chu tlangzarh a ni dawn tih an puang.

Surjewala chuan digital platform hi April 24 aṭangin ni khatah darkar riat tichhuah ṭhin a ni dawn tih sawiin, Hindi leh English ṭawngin tihchhuah a ni phawt ang a, a hnuah regional language hrang hrangin tihchhuah a la ni dawn tih a sawi.

Inc TV hian mipui rethei leh dinhmun chhe zawk, nekbeha awm mekten aw an chhuah ve theihna turin a pui dawn tih party hruaitute chuan sawiin, mipuite hnena an party-in thuchah a neihte puanchhuahna atan an hmang dawn a ni.