SC ruat mediator-ten Ayodhya thleng

Supreme Court-in Ayodhya-a Bahri Masjid-Ram Janmabhoomi ram inchuh buaina chingfel tura mediation team a dina member pathumte chuan nimin khan Ayodhya an thleng.

Mediator atana ruat pathumte chu Supreme Court judget hlui FMI Kalifulla, senoir advocate Sriram Panchu leh spiritual guru Sri Sri Ravi Shankar-te an ni. Anni hian inremna kawng zawnga inbiakna kalpui a nih hmaa state sorkar inbuatsaih dante an en hmasa phawt dawn a ni.

Uttar Pradesh Chief Minister Yogi Adityanath-a kaihhruai sorkar chuan Ayodhya mediation committee-te hnathawhna kawnga lo pui tur hian Awadh university campus chhungah mini secretariat a lo buatsaih a ni.

Supreme Court thupek angin Ayodhya mediator pathumte tan hian an awmna tur, inbiakna an neihna hmun tur leh an mamawh dangte pawh buatsaih sak vek an ni.

Hun rei tak Hindu leh Muslim-ten Ayodhya -a ram inchuh buaina an neih tawh hi mediation team kaihhruainaa inbiakna hmanga chinfel dan ngaihtuah turin kar kalta Zirtawpni khan Supreme Court chuan thupek a tichhuak a ni. Tunkar chhung hian Faizabad-ah inbiakna hi neih ṭan tum a ni a, kar li chhungin panel hian report an thehlut ang.