Inthlan puala roadshow leh bike rally khap turin ngen

Uttar Pradesh DGP hlui Vikran Singh leh environmentalist Shaivika Agrawal-te chuan Supreme Court-ah ngenna thehlutin, inthlan neih tura campaign-na tura roadshow leh bike rally neih ṭhin chuan EC kaihhruaina a palzut bakah, environment tan thil ṭha lo tak nia sawiin khap turin an ngen.

Petition thehluttute hian inthlan campaing-na atana roadshow leh bike rally neih ṭhin hian air leh noise pollution a siam bakah, traffic jam-te siamin hei hian mipui nawlpuite tan harsatna a thlen ṭhin a ni, an ti.

EC hian roadshow neih chungchanga kaihhruaina a lo siam tawhah, motor inzuite chu 10 aiin an tam tur a ni lo tih a sawi a, hei bakah hian motor-te chu meter 200 dan aiin an inhnaih tur a ni lo tiin, kawngpui zaulam zahve aia zau an luah tur a ni lo a, roadshow neihna tura motor leh mihring tel tur awm zat chu a hmain thuneitute lo hriattir lawk tura tih a ni bawk.