ASI hnuaia hriatrengna hmun pawimawhte Hri leng vangin May 15 thleng khar dawn

Archaelogical Survey of India (ASI) hnuaia awm monument, museum leh hmun pawimawh zawng zawngte chu ramchhunga hri pui leng a hluar zel avangin May 15 thleng khar turin thupek tihchhuah a ni.

ASI-in thupek a chhuah chungchang hi culture minister Prahlad Patel chuan Ningani khan Twitter-ah a tarlang ve nghal a ni. ASI thuchhuah chuan, "Covid hri leng hluar zel karah ASI hnuaia monument , museum leh hmun pawimawh te chu thu leh awm hma chuan May ni 15 thleng khar turin tih a ni," a ti.

Thupek tihchhuah hian monument 3,693 leh museum 50 te a huam ang. Puri Jagannath Temple leh Somnath Temple-ah te erawh mipui pungkhawm lo in 'Puja' huaihawt an phalsak thu Ministry media advisor Nitin Tripathi chuan a sawi.

Nikum khan ASI enkawl monument te hi coronavirus hripui leng avangin March 17 aṭang khan khar an lo ni tawh a, July thlaah mipui tlawh theih turin khuahkhirhna mumal tak siamin hawn an ni leh a ni.