Rahul Gandhi-an sangha mantute puala ministry din tiam

Congress president Rahul Gandhi chuan Lok Sabha inthlanpui neih turah Congress chuan sorkarna an siam a nih chuan sangha mantute pualin ministry hran siam a tiam.

Rahul Gandhi chuan Prime Minister Narendra Modi angin thu thiam hlen loh tur a tiam ve ngai lo tih sawiin, a thil tih tum ngei chauh a sawi thin ṭhin a sawi. He thu hi nimina Thriparyar-a All India Fishermen Congress huaihawt National Fishermen Parliament a hmanpuinaah a sawi a ni.

Gandhi chuan an sorkar chuan Goods and Services Tax (GST) kalphung chu siamṭhat a tiam bawk a, awlsam zawk leh chhiah lak a hniam thei ang ber tura an siam tur thu sawi bawk. Prime Minister Modi chu ramchhunga miretheite dinhmun leh an harsatna tawhte ngaihpawimawh sak lohah puhin, a kaihhruai sorkar chu mi hausa tlemtein an chhawr zawk a ni, a ti.