SC-in Yadav bail dilna chhang turin CBI hriattir

Supreme Court chuan nimin khan Central Bureau of Investigation (CBI) hnenah ranchaw man tihchingpen thubuaia thiam loh chantir vanga tang mek, Rashtriya Janata Dal (RJD( hotu) Lalu Prasad Yadav-an bail a chhuah a dil chungchang chu chhang turin a hriattir.

Chief Justice Ranjan Gogoi-a kaihhruai bench chuan January 10-a Jharkhan High Court-in a bail dilna a hnawlsak chungchangah Yadav-an a khin letna a thehluh chu kar hnih chhunga chhang turin a ti a ni.

RJD in Bihar-a thuneihna a chan lai leh, Yadav-a chief minister a nih lai kum 1990 chho khan sorkar laipui aṭangin ranchawn man an dawn, vaibelchhe 900 chuang tihchingpen a ni. He thubuaiah hian Yadav leh a official hlui eng emaw zat chu thubuai siamsakin thiam loh chantir an ni tawh a ni.

Yadav hi kum 2017 December thla aṭang khan Ranchi, Jharkhand-a Birsa Munda Central Jail-ah tantir a ni. Kum 71 mi, Yadav hian kum upa leh hriselna ṭha tawk loh chhuanlamin Jharkhand High Court-ah bail-a chhuah dilna a thehlut a, mahse court chuan a dilna hi a hnawlsak a ni.