China hnena MFN status pek sut turin phut

Rashtriya Swayamsevak Sangh (RSS) economic wing, Swadeshi Jagran Manch (SJM) chuan Prime Minister Narendra Modi-a hnenah Jaish-e-Mohammad (JeM) hotu Masoor Azhar-a global terrorist-a dahna tura UN resolution lo dangtu, China hnena 'Most Favoured Status' pek chu sut turin an phut.

Nilaini khan United Nations Security Council (UNSC)-ah Pulwama beihnaa mawhphurtua puh, JeM firfiak pawl hotu Azhar-a international terrorist-a puanna tur resolution putluh chuan China hian a lo dang leh a ni. Hei hi China-in a thuneihna hmanga Azhar-a chungchang rawtna putluh a dan vawi li-na a ni.

China chetdan avang hian lehkha thawnin, India-in a ram duhsak bikte hnena a pek, most favoured nation (MFN) status, China hnena a lo pek chu sut turin an phut thu leh, China thilsiam lakluh chungchangah khuahkhirhna khauh zawk siam a, chhiah a laksak ṭhin pawh tisang nghal tura an phut thu a sawi.