Pune doctor 40-te khung hrang

Pimpri, Pune-a medical college-cum-hospital-a thawk surgeon leh resident doctor 40-te kar liam ta Inrinni zana an damdawi-ina emergency surgery an neih sak pakhat chu Delhi-a Tablighi Jamaat meet-a tel, Covid-19 kai a lo nih avangin an inkhung hrang nghal. 

An damlo enkawl hian damdawi-ina admit a nih hian a hmaa a kalna chinte a zep a, mahse zai a nih hnuah Jamaat meet-ah a tel tih hriat leh a ni. Hospital official chuan damlo hian Covid-19 a kai tih hriat a nih hnuah, YCM hospital-ah sawn a ni a, doctor 40-te swap sample pawh lak nghal niin, hospital-a  room hrang hrangah doctor rualte hi khung hran nghal an ni tih a sawi. Doctor rualte bakah hospital-a thawk nurse, attendant leh hmun tifaitute pawh khung hran niin, test turin an sample-te thawn a ni bawk.