Rahul Gandhi-a'n West Bengal-a rally neih tur a ṭhulh vek

Congress party hruaitu Rahul Gandhi chuan nimin khan thuchhuah siamin,West Bengal-a assembly inthlan neih tur puala election rally a neih tur zawng zawng chu Covid-19 hrileng avangin a ṭhulh.

Rahul Gandhi hian a twitter kaltlangin rally a neih turte a ṭhulh thu hi a puang a, ram hruaitu te chuan thuthlukna an siam hmain public rally neihin a nghawng pawi theihzia hre reng turin a chah chhunzawm bawk. Rahul hi West Bengal-ah hian inthlan thawh nga neih hma, April 14 aṭangin a campaign ṭan a ni. Rahul chuan BJP chu sawiselin,"BJP chuan Assam leh Tamil Nadu-a an tih ang bawkin,Bengal serh leh sang te chu ṭhendarh vek an tum a ni," tiin BJP chu inhuatna,dik lo taka tharum thawhna leh mipui ṭhendarh tuma politics khel ṭhinah a puh.