PM-in damdawi-in leh inkhung hranna lailawk siam belh turin a ngen

Prime minister Narendra Modi chuan Inrinni zan khan central leh state sorkar official ṭhenkhatte meeting pawimawh neihpuiin, hri leng dona atana hma lak dante an thlir ho.

PM chuan Covid-19 hripui leng mek karah hruaitute chu an mahni state dinhmun ṭheuha thawktu indaihloh na te, damdawi tlakchham leh mamawh ṭul dang te chu enfiah turin a chah.

Meeting-ah hian damdawi kaihhnawih thil hrang hrang, oxygen, ventilator leh vaccine lamte sawiho niin,PM Modi chuan uar leh zuala test, contact tracing neih a ṭul thu te, hri kai enkawlna tur damdawi-in khum tam zawk siam a ṭul thu a sawi. Modi chuan hri kaite enkawlna tur damdawi-in lailawk (temporary hospital) leh inkhung hranna tur (isolation centre) siam belh hmanga hri kai enkawlna tur khum tam zawk siam turin a ti a ni.

Prime Minister chuan Medical Oxgen Plant te chu hman theiha an peih thuai theih nan hma la chak turin a chah bawk. Pressure Swing Adsorption (PSA) Oxygen Plant 162 te chu State/UT 32-ah PM CARES kaltlangin state tin ten an hman theih turin buatsaih mek a ni.