Maldives-ah External Affairs Minister a zin

External Affairs Minister Sushma Swaraj-i chu nih hnih cham turin nimin khan Maldives-ah a zin.

Ministry of External Affairs (MEA) chuan minister zin tur thu hi sawiin, nikum November thlaa Maldives President atana Ibrahim Mohamed Solih lakluh a nih hnua a tlawhna hmasa ber tur a ni thu a sawi. Minister chuan ram pahnihte inkarah boruak ṭha leh nghet zawk siam a tum dawn tih a sawi bawk.

Swaraj-i hian Maldives Foreign Minister Abdulla Shahid a kawm dawn a, minister pawimawh dangte pawh inbiakna a neihpui dawn bawk a ni. Ram pahnihten inlaichinna ṭha zawk an neih theih dantur a sawipui dawn a ni. Maldives President Solih leh Parliament Speaker Qasim Ibrahim pawh a hmu bawk ang.

Foreign Secretary Vijay Ghokale leh senior official eng emaw zatin Swaraj-i hi an ṭawiawm a ni.

Maldives President hlui Abdulla Yameen hnuaiah ram pahnihte inkar boruak hi a ṭha lo chho hman hle a, mahse president thar Solih chuan India nena an inlaichinna hi siamṭhat tumin hma a la nghal a, nikum November thlaa Solih lakluh a nih pawh khan Prime Minister Narendra Modi pawhin a telpui a ni.