Priyanka Gandhi-i'n ni thum awh tur 'Ganga-yatra' nei ṭan

Congress general secretary Priyanka Gandhi Vadra-i chuan nimin khan Uttar Pradesh-ah Lok Sabha inthlanpui neih tura a campaign a ṭan a, ni thum awh 'Ganga-yatra' chu Pryayagra aṭangin a nei ṭan.

Priyanka Gandhi hian yatra a neih chhung hian state chhunga district pali - Prayagraj, Bhadohi, Mirzapur leh Varanasi te ttlawh dawn a, Nilaini hian Varanasi-a Assi Ghat leh Dashashwamedh ghat-ah a hun a hmang ang.

Ni thum chhung hian ke, car leh lawngin km 140-a thui a kal dawn a ni. Kawng lakah mipuite nen inkawmna hun pawh a hmang nghal dawn a, Pulwamna-a firfiak bomb tihpuaha thi, sipai martar Mahesh Yadav-a chhungte pawh a hmu dawn a ni.

Pathianni zan khan yatra nei tur hian Lucknwo thlengin party hruaitute chu meeting a neihpui nghal a ni.

Poll campaign a ṭan hma, Pathianni khan Priyanka hian Uttar Pradesh mipuite hnenah open letter thawnin, politics hmelhmang chu thlak danglam a tiam. BJP sorkar chuan a ṭhianṭha, sumdawng liante hnenah sum tam tak a pek theih laiin mirethei leh loneitute ṭanpui tura penchhuak an awm lo tih sawiin, loneitute loan ba chu ngaihdam a, hmeichhiate venhim a ngaih thute a sawi a ni.