Bengal CM-i'n Kolkata-ah campaign chhunzawm tawh dawn lo

West Bengal chief minister leh Trinamool Congress (TMC) hotu Mamata Banerjee chuan Kolkata-ah election campaign a chhunzawm tawh loh tur thu TMC hruaitu Derek O'Brien chuan April 18 khan a Twitter kaltlangin a sawi.

TMC hotu hian state chhungah Covid-19 hri kai thar an pun zel avangin campaign tawp ni, April 26 ah chiah campaign huaihawt an tum thu a sawi. Derek O'Brien chuan sawi chhunzawmin hmun danga Mamata Banerjee rally neih turte chu darkar chanve aia rei lo vek a nih tur thu a tarlang bawk.

Congress hruaitu Rahul Gandhi-a'n West Bengal-a rally a neih tur zawng zawngte a ṭhulh hnu khan an tarlang ve nghal a ni.Ningani khan TMC hotu hian Election Commission hnenah mipui him zawk nan inthlan chhawng thuma neih tur chu, nikhat a zo fel vek thei turin rawtna a thlen bawk a ni.

West Bengal inthlan hi April 22,26 leh 29 ah te neih leh tura ruahman a ni.

Pathianni khan West Bengal-ah hri kai thar mi 8,419 hmuh chhuah thar niin an vaia hri kai tawh zat chu mi 6,59,927-ah a kai chho tawh thu an state sorkar chuan a tarlang.