London-ah Nirav Modi man

Punjab National Bank (PNB) sum cheng vaibelchhe 13,000 tichingpeng chungchanga man tuma zawn mek, sumdawng lian Nirav Modi chu nimin khan London-ah man a ni a, court-ah hruai a ni dawn.

Nikum January thlaa PNB sum tihchingpen chungchang sawichhuah a nih hnuah Nirav Modi hi ram pawn lamah a tlanchhe nghal a ni. Mahse England-ah a awm tih hriat a nih hnuin Enforcement Directorate chuan UK thuneitute hnenah a thubuaite hmachhawn tura India rama thawn turin an ngen a ni. UK court chuan Modi manna tur thupek hi tichhuakin, thupek tihchhuah a nih aṭanga ni thumnaah an man ta a ni. Mahse India rama thawn tur a nih dawn chuan dan anga thil tihfel ngai a tam dawn avangin hun a la duh rei dawn nia sawi a ni.