Lokpal hmasa ber atan Justice Ghose ruat

Supreme Court judge hlui Justice Pinaki Chand Ghose chu India rama anti-corruption ombudsman, Lokpal hmasa ber atan Thawhlehni khan ruat a ni.

Rashtrapati Bhavan thuchhuah chuan Lokpal judicial member atan hian Chief Justice hlui Dilip B. Bhosale, Pradip Kumar Mohanty, Abhilasha Kumari bakah Chhattisgarh High Court Chief Justice Ajay Kumar Tripathi-te ruat an ni a, non-judicial member atan Sashastra Seema Bal (SSB) woman chief Archana Ramasundaram, Maharashtra chief secretary hlui Dinesh Kumar Jain, IRS officer hlui Mahender Singh leh IAS officer hui Indrajeet Prasad Gautam-te ruat an ni bawk.

Lokpal leh member-te ruat tur hi Prime Minister Narendra Modi-a kaihhruai selection committee chuan rawtin, President Ram Nath Kovind-an a lo pawmsak a ni.

Jutice Ghose hi kum 66 mi niin, kum 2017 May thla khan Supreme Court judge aṭangin a pension a, kum 2017 June 29 aṭang khan National Human Rights Commission (NHRC) member a ni.