J&K-ah inkahhai bawhchhia, sipai pakhat thi

Jamu and Kashmir-a Rajauri district-a Line of Control (LoC) ah nimin khan Pakistan lam chuan inkahhai bawhchhiain India lamah silai an hmetpuak leh a, Indian Army rifleman Yash Paul chu kahhlum a ni.

Rifleman Yash Pual hi kum 24 mi niin, J&K Ligh Infantry division ami a ni. Pakistan sipaite hian Sunderbani sector-a Keri belt-ah nimin zing khan inkahhai bawhchhiain silai an hmetpuak bawk.

Pakistan sipaite hian kumin chungin LoC-ah inkahhai hi ṭum 110 zet an bawhchhe tawh a, firfiakin Pulwama-a CRPF convoy a beih avanga ram pahnihte inkar boruak a chhiat hnuah phei chuan nitin deuhthaw Pakistan sipaite hian silai an hmetpuak a ni. Kum 2018 chhung khan LoC-ah hian Pakistan sipaiten ṭum 2,936 zet inkahhai an lo bawhchhe tawh a, hei hi kum 15 chhung Indo-Pakistan border-a inkahhai puan an bawhchhiat hnem ber ṭum a ni.

Nimin vek khan J&K-ah hian firfiak nia hriatten hand grenade hmangin police-te an bei bawk a, police pahnihin hliam an tuar a, hliam tuar zinga pakhat hi Station House Officer (SHO) a ni.