Shiv Sena-in Goa CM thar tur ruat hmanhmawhah BJP puh

Shiv Sena chuan Goa chief minister thi ta, Manohar Parrikar thlaktu tur ruat chungchangah BJP chu che hmanhmawh lutukah puhin, Parrikar vap daih hun pawh an nghak hman lo niin a sawi.

BJP politics kalpui dan chu democracy dinhmun chhe taka dahah puhin, zahna nei miah loa thuneihna chelh duhna game an khel niin Shiv Sena chuan an party chanchinbu, 'Saamana' ah a tarlang. CM hlui Parrikar-a vap chu Gomantak lei nen chawhpawlh a nih hun pawh nghak hman loin, a thlaktu tur an buaipui nghal a ni, an ti.

Shiva hian centre leh Maharashtra-ah BJP thawhpui mah se an sawisel fo a ni. Goa-a BJP sorkar chu a tlachhe thuai dawn nia sawiin, deputy chief miniser pahnih zinga pakhat zawk chuan Congress party a zawm leh mai dawn niin an sawi bawk.