Nirav Modi-a bail dilna hnawlsak

Punjab National Bank (PNB) sum tam tham tichingpena puh, UK-a tlanchhia Nirav Modi chu Nilaini khan Scotland Yard-ten London-ah an man a, court-ah hruai nghal niin bail a dilna chu hnawlsak a ni. March 29 thleng police kuta awm tura tih a ni.

Kum 48 mi, Nirav Modi hi Metropolitan Magistrate court-in a bail dilna a hnawlsak hnuah Her Majesty's Prison (HMP) Wandsworth ah tantir a ni a, cell hranah dah a ni bawk. Wandsworth hi UK-a tanin lian ber, inkhauhkhirhna leh dan khauh tak hmanna a ni.

Enforcement Direc-torate chuan Mumbai-a special court aṭanga phalna a lak hnuah Nirav Modi-a thil neih, painting 173 leh motor 11 chu a hralhsak dawn. Special court hian Nirav Modi leh a nupui Ami te lakah non-bailable warrant a lo tichhuak tawh bawk a ni.

ED-in Modi-a thil neih a hralhsak tur hlut zawng hi cheng vaibelchhe 57.72 man nia chhut a ni a, motor hralh tur zingah hian Rolls Royce, Porshce, Mercedes leh Toyota Fortuner te pawh an tel. Hengte hi tun thla tawp lamah lilam tum an ni.