Dharwad-ah in chima thi mi 14 tling

Karnataka-a Dharwad district-ah Thawhlehni khan in sak lai, chhawng li-a sang chu a chima, mi 14 an thih tawh bakah chin hriat lohin mi 12 an la awm mek.

In chimin a delhte chhanchhuah hna hi NDRF, SDRF, Police leh Revenue Department-a staff 400 chuang zetin an thawk a ni.

Karnataka Chief Minister HD Kumaras-wamy chuan Ningani khan in chimna hmun hi tlawhin, in chim hnuaiah hian mi 10 chuang an la tang nia hriat a ni thu a sawi a, heng mite chhanchhuah hna hi ngawrh taka thawh chhunzawm zel a ni dawn a ni tih a sawi. CM chuan in chim chhan hi chhui chiang turin thupek a tichhuak tawh tih a sawi bawk.

Dharwad sub-division Assistant Commissioner Pankaj Kumar chuan mi 56-te chu dam taka chhanchhuah an ni tih a sawi a, chin hriat lohin mi 12 an la awm thu a sawi.

He building hi Kumareshwar Nagar-a awm niin, Thawhlehni khan a chim a ni. He building chim hi Congress minister hlui Vinay Kulkarni chhungte in a ni a, chhiatna thleng kaihhnawihah hian man an la awm lo.