India-in Pakistan sawmna hnawl

Delhi-a Pakistan High Commission-a Pakistan National Day lawmnaa tel tura sawmna chu India chuan a hnawl.

Pakistan High Commission hian a hmain Jammu and Kashmir-a inlakhhran duhtu pawl, Hurriyat aiawhte chu National Day reception neih turah hian a sawm tel a, hei vang hian sorkar laipui chuan a aiawh a tir ve duh lo a ni. Pakistan National Day hi kumtin March 23 hian hman ṭhin a ni.

Kumina Islamabad-a Pakistan Day Parade neih turah hian Malaysia Prime Minister Dr Mahathir Mohamad chu khuallian a ni ang. Kum eng emaw chen chu India hian Pakistan Day lawmna telpui tur hian minister-te a lo tir tawh ṭhin a, external affairs mnister Gen VK Singh, minister of state of external affairs hlui MJ Akbar and agriculture minister Gajendra Singh Shekhawat-te pawh an lo kal tawh a ni.