PM Modi-a'n Portugal leh France zin tum ṭhulh

Prime minister Narendra Modi chuan Portugal leh France rama zin a tum chu Covid-19 hri kai an pun chak chhoh leh avangin a ṭhulh.

PM Modi hian Portugal-ah May 8-a neih tur 16th India-EU summit-a tel a tumna leh, hemi hnua France tlawh a tum chu a ṭhulh a ni. Nikum khan hri leng vangin 15th India-EU summit hi virtual-a neih a lo ni tawh a, kumina pawh virutal bawkin an nei leh dawn a ni.

UK prime minister Boris Johnson pawhin kumtir January 26, Republic Day-a Chief Guest tura an sawmna leh April 25 a India rama lo zin a tumna chu hri leng vangin a lo ṭhulh tawh bawk.

PM Modi hi March thlaa Bangladesh Independence kum 50-na a hman pui bak kha kum 2019 November hnu lamah ram pawna zin chhuahna a la nei leh lo.