Covid-19 vangin Tamil Nadu minister a thi

Tamil Nadu agriculture minister R Doraikkannu chu Inrin­ni liam ta khan Chennai-a private hospital-ah kum 72 mi niin Covid-19 vangin a thi. 

Doraikkannu hi October 13 khan Covid-19 a kai tih hriat a ni a, Villpuram-a sorkar damdawi-inah hruai niin,  a hnuah Kauvery Hospital-ah sawn a ni. Thawhṭanni aṭang khan a zual a, CT scan aṭangin 90% lung infection a nei tih hriat niin, ECMO (extracorporeal membrane oxygenation) leh ventilator hman tir a ni. 

Tamil Nadu sorkar chuan hri leng vangin November 30 thleng atan state pumah lockdown a pawtsei. Mahse lockdown chhung hian ngaihnathiamna eng emaw zat a siam thung a, higher secondary school leh education institution-te physical class an kal phalsak an ni a, sub-urban train pawh  seating capacity 50% laa an service phalsakin, movie theatre-te pawh an hawn phalsak an ni bawk.