VVIP chopper case : ED-in defence agent an man

Enforcemne Directorate (ED) chuan cheng vaibelchhe 3,600 hua VVIP chopper leina tur inremna siam kaihhnawih thubuaiah Thawhṭanni zan khan New Delhi-ah defence agent an man.

ED chuan an mi man hi Sushen Mohan Gupta a nih thu sawiin, Prevention of Money Laundering Act (PMLA) hnuaiah man a nih thu an sawi. Gupta hian defence deal chungchang hi buaipuiin, AgustaWestland helicopter leina tura inremna siam pawh hi a buaipui niin an sawi. Nimin vek han special PMLA court-ah hruai nghal a ni.

VVIP chopper deal kaihhnawihah hian ED hian lawyer Gautam Khaitan leh British middleman Christian Michel pawh an lo man tawh bawk.

Kum 2014, January 1 khan sorkar chuan Indian Air Force tana AgustaWestland hnena AW-101 VVIP chopper leina tura inremna a lo siam chu a titawp a, he inremna siam danah hian thil fel tawk lo a awm nia sawiin, firm hian contract a hmuh theih nan hian thamna sum tam thak tak a pechhuak nia puh a ni.

Central Bureau of Investigation (CBI) leh ED chuan hemi chungchang hi chhuiin, mi eng emaw zat thubuai an siamsak tawh an, an zingah hian IAF hotu hlui SP Tyagi leh a chhungte pawh an tel.