AIIMS Patna-a thawktu 384 in Covid-19 kai

Bihar khawpui, Patna-a All India Institute of Medical Sciences (AIIMS)-a thawk, doctor leh health worker 384 chuangin Covid-19 hri an kai.

AIIMS medical superintendent C M Singh chuan thuthar thehdarhtute a kawmnaah, "Covid-19 hri kai enkawl laite'n damdawi-ina khum 250 awmte chu an luah khat vek tawh a, doctor ten liquified oxygen tam tawk nen darkar 24 chhung ward tin chu ṭha takin an vil reng a ni," a ti.

Patna, Gaya, Bhagalpur, Jehanabad leh West Champaran khawpui te chu hri lengin a nghawng nat zualte an ni. Hripui vanga enkawl ngai an pun zel vangin Nitish Kumar kaihhruai Bihar sorkar chuan Panchayat poll neih tur pawh a tikhawtlai a, zan dar 9 aṭanga zing dar 5 thleng ram chhungah curfew puan a ni bawk.