Japan PM-i'n India leh Phillipine zin tur ṭhulh

Japan prime minister Yoshihide Suga chuan India leh Phillipine rama zin a tum chu ram chhunga Covid-19 hri lengin ziaawm lam a pan theih loh avangin a ṭhulh tih a thupuangtu chuan a sawi

Nilaini khan chief cabinet secrertary Katsunobo Kato chuan Suga hian prime minister Narendra Modi chu a vawikhat nan hmaichhana ram pahnih thawhdun na tur - inrenchem, venhimna leh hmasawnna ruhrel din belh, cybersecurity leh van lam zirchianna chungchang sawidun pui a tum tih a sawi a, mahse hri leng avangin hei hi a ṭhulh leh ta a ni.

India leh Japan hi hripui leng thawh hnihna tuar na zinga mi niin, Japan sorkar chuan Nilaini khan Tokyo, Osaka, Kyoto leh Hyogo-ah te inkhuahkhirhna thar vawiin aṭanga hman tur thupek a chhuah. Ram pahnih te hian Defence Ministerial talk Tokyo a neih tur pawh Covid-19 hri leng vangin an ṭhulh bawk.

Suga hian Philipines nena kum 65 thawhdunna an neihna champha hmanpui tura alo ruahmannaah pawh kal thei loin, an ramin hun khirh tak a tawh lai leh an healthcare system indaihlohna sutkian a nih theih nan an ram chhuahsan a rem loh thu a sawi.