New Zealand PM leh Green Party-in inremna ziak

New Zealand prime minister Jacinda Adern chuan nimin khan Green Party nen sorkar thar siam turin inremna an ziak. 

October 17-a inthlanpui neihah khan Adern-i party, rorellai Labour Party chu party mala sorkarna siam thei turin chak mah se, Green Party chu ṭangrual sorkar a siampui dawn tho a ni. 

Adern chuan vawiinah a kaihhruai ṭangrual sorkar thar chu puan a ni dawn tih sawiin, Green Party tan ministerial portfolio pahnih pek a ni dawn tih a sawi a, Greens hruaitu pahnih James Shaw leh Mawrama Davidson-te chu climate change leh family violence portfolio pek an ni ang.