Nirav-a art collection lilam atangin Rs vbch 59 hmu

Punjab National Bank(PNB) sum tam tham tak tichingpentu a puh, ramdanga tlanchhe mek Nirav Modi-a art collection chu Thawhlehni zan khan Mumbai-a JK Banquets-ah Income Tax Department-in a lilam a, cheng vaibelchhe 59.37 an hmu.

Nirav Modi-a art collection an lilam hi 68 zet niin, heng zingah hian kum zabi 19 hunlaia Indian painter zinga a ṭha ber zinga chhal, Raja Ravi Varma oil on canvas painting pawh a tel. He lemziak hi cheng vaibelchhe 14-a hralh a ni a, an man zata an chhut aia cheng vaibelchhe 2-a toin an hralh a ni. He lemziak hi kum 1881-a ziah niin, "The Maharaja of Tranvancore" leh a nauin Third Duke of Buckingham Richard Temple-Grenville an lo lawm lai a ni. VS Gaintonde lemziak pawh cheng vaibelchhe 22-a hralh a ni bawk.