Philippines-ah Typhoon Goni a tleh

Thlipui, typhoon Goni-in nimin khan Philippines ram a nuai a, thlipui tlehin chhiatna a thlenah mi pali an thi.

Nimin zing dar 4:50 vel khan Catanduanes Island-ah darkar khata 225 kilometre (140 mile) a nain he thlipui hi a tleh chiam tih Philippines state weather forecaster chuan a tarlang. Thuneitute chuan chhiatrupna dang thleng leh thei a nih avangin mipuite fimkhur turin an hriattir nghal. 

Typhoon Goni hi Phillipines-ah chuan Rolly tih a ni a, kum 2013-a Typhoon Haiyan tleh vanga mi 6,000 chuang an thih hnuah an rama thlipui tleh leh na ber a ni. 

Disaster management agency chuan thlipui tuartu mi 3,47,000 chu hmun him lamah thiar chhuah an nih thu a sawi. 

Kar liam ta Inrinni zing khan Typhoon Molave chuan Vietnam central leh central highlands region huam chhung chu a nuai bawk a, he thlipui hian tui lian leh leitawlh a thlen a, chhiatna thlengah hian mi 27 an thi a, mi 50 chin hriat loa an awm bakah, 67 in hliam an tuar.