Haryana-ah rukruin Covid-19 vaccine ruk pe kir leh

Haryana-a Jind khuaah Ningani khan damdawi-in pakhat aṭangin Covid-19 vaccine, Covishield leh Covaxin ṭhahnem tak ruk niin, darkar 12 hnuah rukru hian ngaihdam dilna lehkha nen a vaccine ruk hi a pe kir leh.

Tualchhung mite chuan Ningani khan Covid-19 vaccine dose 622 chu Civil Lines police station bula thingpui dawr kawtah an hmu an ni. Police-te chuan damdawi-in aṭanga rukbo, Covishield dose 182 leh Covaxin dose 440 chu hmuh kir leh vek a ni tih an sawi.

Rukru hian vaccine a dahnaah hian Hindi ṭawnga thu ziak dah telin, a thil ruk chu corona damdawi a ni tih a lo hriat loh thu leh, pawi a tih thu a ziak a ni.