PM Modi-a film siamtute EC hmaah inlan

Prime Minister Narendra Modi-a chanchin film-a siamtute chu an film siam tihchhuah an tum chungchanga sawiselna, model code of conduct an palzut nia sawi a awm avanga hriattirna pek an nih hnuah nimin khan Election Commission hmaah an inlan.

Congress party leh eptu party dangte chuan Lok Sabha inthlanpui neih tur atana model code of conduct hman a nih laiin, PM Narendra Modi film siamtuten April 5-a tihchhuah an tum chu MCM palzutna a ni a, he film hi BJP chuan campaign-na atan hman an tum a ni tiin EC-ah hian complaint an thehlut a ni. Film siamtu leh changtute pawh BJP mi leh sa vek niin an sawi. Hemi hnu hian EC chuan film producer-te hnenah insawifiah turin hriattirna a pe nghal a ni.

Nimin khan film producer Sandep Singh leh Modi-a lema changtu, Vivek Oberoi leh a ukil Hitesh Jain-te chu poll pane hmaah hian an inlan a, he film siam chungcahngah hian politics lam inrawlhna leh thil tum dang an nei lo tih Ssingh chuan a sawi. Singh chuan, "Poltical party-te chaun film tihchhuah hi sawnhlat emaw, tihchhuah loh emaw an duh a ni. Mahse EC hnenah hian film kan siam leh tihchhuah kan tum danah hian politics inrawlhna lam engmah a awm lo tih finfiahna pawh kan pe a ni. He thil phenah hian politics lam engmah a tel lo. Kan tihchhuah hun sawn tura min tih chungchangah hian chhan ṭha tak a awm tur a ni tiin kan hrilh ve a ni", a ti. PM Modi film hi a tirah chuan April 12-ah tihchhuah tum a ni a, mahse he hunah hian Lok Sabha inthlan thawh khatna neih a nih tawh dawn vangin April 5-a tihchhuah turin an sawn hma leh a ni.