SC-in Saravana Bhavan neitu hremna tinghet

Supreme Court chuan Madras High Court-in tualthah thubuaia hotel chain, Saravana Bhavan neitu P Rajapgopal damchhung tang tura a lo hrem tawhna chu nimin khan tinghetin, thuneitute kuta inpe turin a hriattir.

Rajagopal hi kum 2001-a Saravana Bhavan-a thawk, Santhakurmar thata puhna thubuaia thiam loh chantirin, Madras High Court chuan damchhung tang turin a lo hrem tawh a ni. Mahse High Court thutlukna hi Supreme Court-ah a khing let a, mahse court chuan High Court thupek siam tawh chu alo nemnghet ta zawk a ni. Kum 2009-a Supreme Court-in bial-a a chhuahtir, Rajagopal hi July 7 hma ngeia thuneitute kuta inpe tura hriattir a ni.

Saravana Bhavan neitu hian a hnuaia thawk, Prince Santhakumar-a nupui chu a nupui pathumna atan neihsak a duh avangin a pasal hi a thah tir nia puh a ni. Santhakumar-a ruang hi Kodaikanal forest ramhnuaiah phum a ni.

Restaurant chain lar tak, Saravana Bhavan hi ram 20-ah a inzarpharh tawh a, US, UK, France leh Australia-ah pawh dawr an nei a ni. India ram chhungah restaurant hi 25 an nei mek bawk.