Bihar-a eptu ṭangrual pawlten seat insem fel

Bihar state-a eptu ṭangrual pawl, Bihar mahagathbandhan chuan an state-a Lok Sabha seat 40-a candidate insem dan turah inremna an siam fel thei ta a, nimin khan candidate list pawh an tichhuak nghal.

Eptu ṭangrual pawlte sem insem dan chu Rashtriya Janata Dal (RJD) in seat 19, Congress in seat 9, Rashtriya Lok Samta Party (RLSP) in 5, Hindustani Awam Morcha (Secular) (HAM-S) leh Vikasshil Insan Party (VIP) in seat 3 ve ve leh Communist Party of India (Marxist–Leninist) Liberation in seat khat a ni. RJD hotu Tejashwi Yadav chuan seat insem chungchangah ṭangrual pawlte telte inkara harsatna a awm nia sawi chu thu dik lo a nih thu leh, an thawhhona chu tihchhiat theih a nih loh thu a sawi.

Lok Sabha seat 40 awmna Bihar-ah hian inthlan hi thawh sarihah neih a ni dawn a ni.