US company 40-in India puihna tur global task force din

US-a company 40 hotute chuan India-in Covid-19 hri leng vanga harsatna a tawh mek puihna turin global task force an din.

Thawhṭanni khan task force din hian meeting neihin, India ram damdawi-in hrang hranga hman turin oxygen concentrator thawn an rel tih Deloitte CEO Punit Renjen chuan a sawi.

A hmasa ber atan tun kar chhungin oxygen concentrator 1,000 hi rawn thawn an tum a, May 5-ah 11,000 rawn thawn belh leh an tum a ni. Renjen chuan India ramah hian oxygen concentrator hi 25,000 tal thawn theih an tum a, hemi aia tam pawh an thei maithei niin a sawi bawk.

US company hrang hrangte hian India an puih theih dan tur zawtin, US-a India ambassador Taranjit Singh Sandhu pawh an berawn reng a ni.