Bengal assembly inthlan thawh hnuhnung ber nei

West Bengal assembly inthlan thawh riatna leh a hnuhnung ber chu nimin khan hripui leng karah neih a ni.

Ram chhunga hri leng thawh hnihna thleng mekah West Bengal hi a tuar nasa pawlah ṭangin, hri kai pawh an pung chak hle. Heti chung hian assembly inthlan hi kaltlangpui a ni ta tho a ni.

Hri kai an pung zel chungin West Bengal-ah hian political party hrang hrang hruaitute chu campaign-in, rally pawh an huaihawt reng a, hei hian sawisel pawh a hlawh hle.

Seat 292 awmna, West Bengal assembly inthlan hi March 27 aṭang khan neih a ni. Inthlan hi thawh riata neih niin, a thawh hnuhnung ber hi assemby constituency 35-ah neih a ni a, candidate 285 awmin vote thlakna polling station 11,860 siam a ni.