Kumin chhungin J&K-ah firfiak 200 vel that tawh

Jammu and Kashmir-a Rangreth-ah Pathianni khan sipaite leh firfiak an inkap a, Hizbul Mujahideen operational commander, Dr Saifullah chu kah hlum a ni.

Firfiak nena an inkah zawh hnu hian director general of police Dilbagh Singh chuan kumin January aṭang khan J&K-ah firfiak 200 vel thah an ni tawh tih sawiin heng zinga 190 vel hi chu Kashmir-a thah an nih thu a sawi.

Pathiannia an kah hlum tak Dr Saifullah hi Kashmir-a firfiak awm zingah chuan a hlun ber zinga mi a ni a, kumin May thlaa Beighpora, Pulwama-a Riyaz Ahmad Naikoo thah a nih hnu khan Kashmir Valley-a firfiak thawm nei lian ber zinga mi a ni zui a, thah a ni ta hi Hizbul Mujahideen tan chuan channa nasa tak a nia ngaih a ni.

Hetihlai hian police officer pakhat chuan Hizbul hian an pawlah tawnhriat ngah tak tak an la kawl nual tih sawiin hotu thar an nei a nih pawhin South Kashmir lam mi bawk an ruat leh a rin thu a sawi.

J&K-a firfiak thahna tam ber hi south Kashmir - Kulgam, Shopian, Pulwama leh Anantnag-a thleng a ni.