PM Narendra Modi hoin union minister-ten meeting nei
Prime minister Narendra Modi kaihhruaiin nimin khan union council of minister-te chaun ram chhunga hri leng mek dinhmun thlirin virtual meeting an nei.
Council of minister-te hian India rama Covid-19 hri leng thawh hnihna a thlen hnuah meeting an neihna hmasa ber a ni.
Nimina PM hoa virtual meeting neihah hian hri leng mek leh, hri leng dona kawnga hma lak dan hrang hrangte an sawiho. Hei bakah hian ram puma Covid-19 vaccine pekchhuah runpui kalpui mek leh May 1 aṭanga kum 18-45 te hnena vaccine pek ṭan tur chungchangte pawh an sawiho bawk.
PM hian hri leng chungchangah chief minister-te chu ṭum eng emaw zat meeting a lo neihpui tawh a, tunhnaiah damdawi lam siamtu, oxygen supplier, armed force pathum hotute pawh meeting a lo neihpui tawh bawk a ni.