Chak lawmte lakah FIR thehlut turin ECI-in hriattir

Election Commission of India (ECI) chuan India rama Covid-19 hri leng thawh hnihna thleng mek avangin assembly inthlan result puan niaah political party-te chak lawma pungkhawm lo turin a lo hriattir lawk tawh a ni.

Nimin khan ECI chuan inthlan neihna state pangaa chief secretary-te hnenah, inthlan result puan a nih hnua chak lawma pungkhawm an awm chuan FIR thehlut nghal zel turin a hriattir. Hei bakah hian hetianga punkhawmna neihna hmuna police station incharge chu suspend nghal turin a ti bawk.

Nimin khan Tamil Nadu-a DMK headquarters, Chennai-ah DMK party worker eng emaw zat an chak lawma pungkhawm an awm avangin Teynampet Police Inspector chu pungkhawm turte an dan loh vangin suspend nghal a ni.