Odisha CM-in journalist-te frontline Covid warrior-ah puang

Odisha chief minister Naveen Patnaik chuan an state-a working journalist-te chu frontline Covid warrrior-ah a puang.

CM chuan an state-in hri leng an tawrh chungchangah journalist-te chuan mipuite hnena chanchin rintlak hriattirna kawngah te, Covid-19 hri leng leh a kaihhnawih hrang hrang chungchanga mipuite zirtirna pek chungchangahte an thawk rimin an thawk ṭha hle tih a sawi. Hri leng dona kawnga sorkar hmalaknaah theihtawpin journalist-te hian an pui tih a sawi.

Frontline warrior-a puan an nih tak avangin journalist-te hi Covid-19 vaccine pek chhuahnaah dah pawimawh an ni dawn a, hei bakah hian Gopabandhu Sambadika Swasthya Bima Yojana hnuaiah health insurance, cheng nuai hnih chin tihsak vek an ni bawk ang. He hamṭhatna siam hi state chhunga working journalist 6,944 ten an chhawr thei dawn a ni.

Odisha sorkar hian journalist, Covid-19 hri leng dona kawnga an hnathawhna avanga thi chhungte chu cheng nuai 15 zelin a ral dawn tih a puang bawk. State chhungah hian Covid-19 hri vangin chanchinbu lama thawk mi 11 an lo thi tawh a ni.