Sorkar thar lakluh a mawlmang bera buatsaih a ni ang : MK Stalin

Dravida Munnetra Kazhagam (DMK) hotu MK Stalin chuan Tamil Nadu sorkar thar lakluh chu a mawlmang thei ang bera buatsaih a ni dawn tih a sawi. Sorkar thar hi May 7-ah lakluh a ni ang.

Tamil Nadu assembly inthlanah DMK kaihhruai Secular Progressive Alliance chu hneh taka thlan tlin an ni. DMK hian assembly seat 234 awmah party malin seat 127 a la a, a thawhpui party dangte nena an seat lak zat hi 156 a tling a ni. Rorellai AIADMK leh a thawhpuite chuan seat 74 chiah an la pha.

Chief minister Edappadi K Palniswami chuan inthlana an chak loh avangin nimin khan CM a nihna aṭanga a banna lehkha chu Governor hnenah a thehlut. Palaniswami chuan chief minister thar tur MK Stalin chu duhsakn a hlan thu a sawi nghal bawk.