Pfizer-in India-ah damdawi USD 70 hu thawn dawn

Damdawi siamtu company lian, Pfizer chuan India rama Covid-19 hri kaite enkawlna tur damdawi, US dollar maktaduai 70 hu chu US, Europe leh Asia-a an distribution centre hrang hrang aṭangin India-ah a thawn dawn.

Company chairman leh CEO Albert Bourla chuan nimin khan India tana damdawi an thawn tur thu hi sawiin, India ramin Covid-19 hri leng a tawrh mek chu an tawrhpui thu leh, hri leng dona kawngah theihtawpa an beih pui tur thu a sawi. Heng damdawi an thawnte hi hri kai, damdawi-in hrang hranga enkawlten a thlawna Pfizer damdawi hmanga enkawlna an dawn theihna tura pe an nih tih a sawi bawk.