West Bengal CM thar atan Mamata Banerjee lalut

Trinamool Congress (TMC) hotu Mamata Banerjee chu nimin khan West Benghal chief minister thar atan rinawmna thu tiamtira lakluh a ni.

Mamata hi a zawna Bengal CM term thum a chelhna tur a ni a, governor Jagdeep Dhankar chuan Raj Bhavan-ah rinawmna thu a tiamtir a ni. Hri leng avangin CM thar lakluh hi mawlmang taka neih a ni a, hri leng a reh hunah a lawmna pui tham tak a buatsaih tur thu Mamata chuan a sawi.

Lakluh a nih hnua thu a sawiah, Mamata Banerjee chuan sorkar siam leh thei tura thlan tlin an ni chu lawmawm a tih thu leh, Bengal mipuite chunga a lawm thu a sawi. Sorkar thara an ngaih pawimawh hmasak tur chu Covid-19 hri leng mek do chu a ni tih a sawi. Inthlan result puan hnua state chhung hmun ṭhenkhata tharum thawhna thleng chu pawi a tih thu leh, politicial party zawng zawngte pawh buaina chhuak tireh tura hma la turin a ngen.