ICMR in Covid-19 test dan kaihhruaina thar tichhuak

Sorkar laipuiin state leh UT-te hnena Covid-19 test nan RT-PCR a tam thei ang hmang tura hriattirna a chhuah hnuah, Thawhlehni khan Indian Council of Medical Research chuan test dan tura inkaihhruaina thar ber a tichhuak. Hetah hian laboratory chhawk zangkhaina atan RT-PCR test tihtlem chungchang a tarlang thung.

ICMR chuan RT-PCR test kalpui lo tura a tih te:-
- Rapid Antigen test-a positve.
- RT-PCR vawi khat testnaa an positive in
- Ni 10 inkhunghran hnuah ni thum chhung khawsik an neihlohin
- Damdawi-in aṭanga chhuah dawnin
- Mihring hrisel ṭha pangngai, ram chhungah chauh zin kual.

Ram pumah molecular testing laboratory 2,506, RT-PCR, TrueNat, CBNAAT leh test na khawl hrang hrang huam telin nitin mi nuai 15 dawn test theih an ni. Mahse tunhnaiah RT-PCR test tihpun a nih avang leh, staff zingah postive an awm tak zel avangin laboratory lam indaihlohna a nasa hle a ni.

ICMR chuan mipui nawlpuia hnuchhui awlsam nan Rapid Antigen Test kalpui leh turin thurawn a pe a, sorkar leh mimal damdawi-in, khawpui, office, school, college, leh community centre-ah te RAT hman phalsak vek turin a ti.

Tu in nge RT-PCR test nei ang?
ICMR tarlan dan chuan RAT negative, mahse symptom nei ten RT-PCR test an ti thei ang