Coronavirus um bo tuma kawng zawh zinga mi 46 man

Gujarat-a Gand­hinagar district-a coro­na­virus um bo tuma kawngzawh zinga mi 46 chu police-ten an man. Hetiang thil hi tun hnaiah Gujarat-a a thlen ṭum hnihna a ni.

Deputy superin­tendent of police MK Rana chuan Nilainia Raipur khuaa kawngzawhnaah hian mi 100 chuang an tel a, a tam zawkin mask an vuah lo niin a sawi. Hmeichhiate chuan tui bel an chhipchhuan a, mipate chuan khuang vuain, coronavirus hri chu um bo an tum a ni. Kawngzawhnaah tel zinga mipa 46 chu man an ni a, thubuai siamsak nghal an ni bawk.

May 3 khan Navapura khuaah Covid-19 hri hnawhbo tumin hmei­chhe tam takin tui bel chhipchhuanin an temple panin kawng an lo zawh tawh bawk. Temple hi tuia an leih chuan Covid-19 hri hi an umbo thei dawn niin an ngai hlawm a ni. Hemi ṭuma kawngzawh zinga mi 23 chu man an ni a, a huaihawttu ber village sarpanch pawh man tel a ni.