Sorkar laipuiin Delhi tan nitin oxygen MT 700 a pe tur a ni : SC

Supreme Court chuan nimin khan sorkar laipui hnenah thupek dang a awm leh hma chuan Delhi tan liquid medical oxygen (LMO) metric ton 700 nitin pe turin a hriattir.

Justice DY Chandrachud kaihhruai Supreme Court bench chuan Delhi sorkarin hri kaite enkawlna tura oxygen indaih loh chungchanga a zualkona chu ngaihtuahin, an beisei zat ang nitin oxygen MT 700 pe turin sorkar laipui a hriattir. Nitin LMO hi MT 700 pek an nih loh chuan a buaipuitu official-te lakah thupek dang a tihchhuah tur thu a sawi nghal bawk.

Justice Chandrachud chuan, "Delhi hnenah oxygen MT 700 pe turin kan duh a, innawrh luih leh kher ngai loin kan sawi ang hian an pe tur a ni," a ti.