Bengal CM-in oxygen tank leh Covid damdawi-ah Chhiah la lo turin PM hnenah a ngen

West Bengal chief minister Mamata Banerjee chuan nimin khan prime minister Narendra Modi hnenah lehkha thawnin, Covid-19 hri leng do mekna atana mamawh, hmanrua leh damdawi lakluhnaah chhiah lak tir lo turin a ngen.

Bengal CM chuan an state leh ram chhung hmun hrang hrangah health infrastructure thuam chak tur te, hri kaite enkawlna tur damdawi leh oxygen an mamawh angte supply zel turin a ngen bawk.

Banerjee chuan, 'Pawl, mimal leh agency-ten hri kaite enkawlna atan oxygen concentrator leh cylinder te, Covid-19 damdawite an thawh fo a ni," tiin mi dangte pawh ṭanpuina pekna kawnga chawh phur zel theihna turin sorkar hmanruaah hian GST leh custom duty-te awl tir se a duh thu a sawi.

West Bengal CM atana kar liam ta Nilainia lakluh anih hnuah, Banerjee hian an state-a hri leng chungchangah PM hi vawi thum lehkha a thawn tawh a ni.